|
Xornada coa que se quixo propiciar un espazo para o estudo e recoñecemento da obra da arquiveira e historiadora Olga Gallego Domínguez, proporcionando reflexións sobre as distintas facetas do seu traballo profesional e investigador. Olga Gallego é unha das herdeiras da tradición humanista que caracterizou a Arquivística dos séculos XIX e XX, soubo ligala coas expectativas dos novos servizos públicos e transmitirlles ás novas xeracións unha visión en que traballo profesional e investigación van da man. Con esta xornada buscouse visibilizar tamén o labor de tantas mulleres que sostiveron e sosteñen o sistema de arquivos e bibliotecas públicas en Galicia.
Mulleres e Historia. Olga Gallego Domínguez
| 
