Ano María Mariño: un balance

Porque as Letras viven máis aló do dezasete, a piques de rematar o Ano de María Mariño como escritora central do Día das Letras do ano 2007, a Comisión de Igualdade do Consello da Cultura Galega propuxo este encontro para o debate, a análise e a celebración. A escolla de María Mariño abriu os portóns a unha obra e a unha autora que resistiu silenciosa e escura nas marxes do canon literario e dos andeis. Meses despois compría ver se realmente entrou o aire, se se iluminou a estancia, se podemos entrar e entramos na casa literaria de María Mariño. Non se trata de recompor o crebacabezas senón de entender as súas pezas e as súas crebas.

Presentación

Henrique Monteagudo e María Xosé Agra Romero presentan unha xornada que se divide en dúas partes: mesa redonda e recital poético

A Mesa redonda

Plantexouse unha reflexión en torno a estas cuestións:

Para que serviu o ano de María Mariño? Remocicaron as Letras nas sombras do Courel e da autoría? Que fica tras os pasos á procura do mundo dos furados? É Noia distinta? Crebar a lingua, tensar o idioma, abríronse os portóns? Que vento escoitamos agora na fosa de altura? Cóase Palabra no tempo e Verba que comenza polas fendas do canon? Independizouse María Mariño dos adxectivos? Lémola? Lerémola outra? Meses despois, que sabemos?, que queremos saber?

Foi presentada e moderada por Rosario Álvarez.
E contou coa participación de Carmen Blanco, Pilar García Negro, Helena González e Esperanza Mariño

Primeira parte

Segunda parte

O recital: María Mariño na voz das poetas dos noventa

O segundo libro de María Mariño edítase en 1994 o que a convirte nunha poeta máis dos anos noventa do século XX. Neste sentido sentido son tamén poetas dos noventa as catro poetas que dan forma a este recital presentado por Ana Romaní e no que Yolanda Castaño, Lupe Gómez, María Lado e María do Cebreiro fan a lectura dun poema de María Mariño e outros da súa propia autoría

Presenta Ana Romaní 00:00

Yolanda Castaño 02:25
Inda vou na mesma meniña... (poema de Maria Mariño), Maquillaxe, A historia da transformación

Lupe Gómez 12:43
Palpas os tempos, lambes as terras... (poema de Maria Mariño), Carta para un armario, Poema cheo de zapatos, A nena Fela

María Lado 26:01
Aqui che deixo meu peito canso... (poema de Maria Mariño), No cabo máis occidentalda costa..., Iso parece...

María do Cebreiro 30:42
Está caendo a folla e en min nace primaveira... (poema de Maria Mariño), Todo o ouro do mundo

Inicio

Especiais

Cartografías

Xornadas

Biobibliografias

Liñas do tempo

Ligazóns de interese

Agradecementos

Ano María Mariño: un balance

Presentación

A Mesa redonda

O recital: María Mariño na voz das poetas dos noventa