Warning (2): include(adodb/home.inc) [http://php.net/function.include]: failed to open stream: Non hai tal ficheiro ou directorio [/var/www/html/cultura/html/Connections/con_cultur.php, line 1]
Warning (2): include() [http://php.net/function.include]: Failed opening 'adodb/home.inc' for inclusion (include_path='/var/www/html/cultura/html/atalaia/cakephp:/var/www/html/cultura/html/atalaia/cakephp/app_web/:.:/usr/share/pear:/usr/share/php') [/var/www/html/cultura/html/Connections/con_cultur.php, line 1]

Atalaia

> Festival Animacan
Datas: 05/02/2013 - 09/02/2013

Descrición

 

O Festival Internacional de Animación On-line www.animacam.tv, de carácter anual e con sé na rede, naceu o 23 de xuño de 2008 en Ourense, coa intención de actuar como ponte intercultural e punto de encontro virtual entre os profesionais da animación e o público, ao permitir que a simple golpe de clic, calquera internauta puidese, desde calquera recuncho do globo cunha conexión a Internet, converterse en espectador e xurado interactivo de obras selectas da animación internacional. Desde entón, cada ano compiten en Animacam, en igualdade de condicións, filmes de directores noveles, con outros de autores de culto a nivel mundial. Desde traballos de fin de carreira de afamadas escolas de animación, pasando por curtametraxes ganadores en prestixiosos certámenes, ata películas candidatas aos premios Goya e Oscar. A calidade das curtametraxes de animación a concurso e o variado tamiz de xéneros e temáticas, fan de Animacam un completo mosaico do mundo actual, visto a través da variada mirada, sempre sagaz e intelixente, de autores e autoras dos cinco continentes, capaces de satisfacer ao público máis heteroxéneo. Ao longo destes cinco anos, o Festival tivo un promedio de medio millón de visitas mundiais por edición e contribuíu á proxección de Galicia como territorio e cultura en Internet, cun proxecto moderno, dinámico e vanguardista, ao ser o primeiro festival internacional de animación online de España, e no seu xénero do mundo. 

Desde a primeira edición de Animacam, os participantes, envorcáronse coa calidade das súas obras, contribuíndo así ao prestixio do mesmo. Aínda malia que os tempos actuais non permiten a existencia de premios xenerosos, autores, productores e distribuidores, agradeceron que produzamos durante todo un ano, un evento destas características, conscientes do enorme desafío que supón para a organización, que envorca todos os seus esforzos neste festival: un espello de espellos das diversas realidades culturais do contexto socioeconómico global. 

Nesta edición, para celebrar os cinco anos de vida, o Festival Animacam aterra na Coruña para presentar, por primeira vez, a súa versión física (off-line). O Museo de Arte Contemporánea Gas Natural Fenosa (MAC), ademais de ser un dos novos patrocinadores que co seu apoio fai posible Animacam V Edición, será a sede na que se exhiban as películas finalistas a concurso.

Fonte: MAC (Museo de Arte Contemporánea Gas Natural-Fenosa)