Atalaia

Marta Alvim. Untitled I. 2010. Chorro de tinta sobre papel. 61,5 x 45 cm
> Marta Alvim. Melatonina
Datas: 14/01/2011 - 05/03/2011

Artistas

Marta Alvim

Descrición

Como autora, ao pasar os ollos polo grupo de obras escollidas para esta mostra, sinto que parte de min materialízase en imaxes. António Damásio considera que para que o cerebro sexa consciente precísase acadar unha nova propiedade: a subxectividade. É precisamente esa propiedade, o tipo de subxectividade presente nestas imaxes, a que me fai percibir, cando as observo, que estou ante unha parte de min mesma.

En Melatonina, as series A'Hearn e Night of Moving Stars foron impresas con chorro de tinta sobre papel Barita. Para Interstate, Numb e Untitled escollín unha impresión de chorro de tinta sobre papel Fine Art. A procura do tipo de material e da técnica que mellor expresaría o universo presente en cada obra determinou as diferentes seleccións de impresión.

Os traballos de vídeo da exposición representan, tamén, o sentimento agochado en Melatonina. Retratan algunhas observacións e pensamentos que xurdiron durante os últimos anos e que, dalgún xeito, reflexionan sobre os conceptos de Tempo, Consciencia e Realidade.

Fonte: Marta Alvim (Lisboa, 2011) - Galería 9THE13