A fotografía de Miguel Vidal (1968, Pontevedra), preséntase nesta serie, Outro lado. Outra vida, a través dos retratos de diferentes persoas que acostuman atoparse ao outro lado das redes sociais.
"Persoas coas que consigo conectar a través da rede; persoas que parece que se disfrazan, pero enganan, porque o que desexan é vivir a súa outra vida, a vida do personaxe que eu alcanzo a fotografar: anxos, demos, paxaros, prostitutas, homes e mulleres que se atopan nun bosque, macarras tatuadas, loitadoras de loita libre, modelos, policías secretas…
A vida cotián é tan rutinaria e aburrida para moitos -din os sociólogos-, que por iso buscan un personaxe que interpretar no outro lado. O difícil é que ese personaxe chegue a ser real, e así ocorre que a través das miñas imaxes se materializa, fáise auténtico e sobrevive para sempre.
Deste xeito, estas persoas conseguen o que dexean, que o seu outro lado cobre vida e podan mostrarse entón nas súas redes sociais non como realmente son. Porque todos os personaxes están á marxe dos límites que a sociedade consinte, e é imposible que sexan comprendidos e admitidos na vida real.
E qué consigo eu? Dar forma a eses desexos ocultos, escudriñar eses outros eus e coñecer algo máis do ser humano, tan frustrado ás veces, e tan complexo sempre."
Texto: Miguel Vidal
Fonte: Pazo de Cultura de Pontevedra
