Nesta exposición, comisariada por Amabel González e coa colaboración do poeta Juan Bello, reúnense pezas que reflexionan arredor do concepto muller e dos distintos estereotipos ao longo da historia e da vestimenta. Fotografía, instalación e vídeo son os medios a través dos que Paula Cabaleiro trata de "analizar cuestións como os prexuizos, a libertade, a independencia e autonomía da muller, a tradición e a influenza da relixión, a presión social, a hipocresía e os anceios de ostentación, a dicotomía entre o público e o privado, o asoballamento, a opresión e a conciencia".
Fonte: Galería Sargadelos
