O artista alemán Peter Krauskopf expón baixo o título Elbe a primeira mostra individual en España. As obras inspíranse no río homónimo que atravesa Alemaña e a República Checa configurando paisaxes que recrearon pintores como Caspar David Friedrich.
A produción de Krauskopf ademais de beber do Romanticismo, tamén ten influencias do Suprematismo ruso, liderado por Malevich, e da pintura de campos de cor promovida pola Escola de Nova York, que anticiparía estilos como os de Mark Rothko, Barnett Newman e Helen Frankenthaler, aos que o artista xermano sempre investigou.
Ao longo da súa traxectoria, Krauskopf uniu tradición e contemporaneiade mediante unha linguaxe abstracta coa que configura panorámicas de diversos formatos, nas cales inclúe outras paisaxes que o espectador descubrirá se observa detidamente.
Nacido en Leipzig (1966) formouse nesta mesma cidade na Hochschule für Grafiklaind Buchkunst. Actualmente reside e traballa en Berlín. Dende o comezo da súa carreira participou en numerosas exposicións como as celebradas no Mies der Rohe-Haus, en 2007; o Foro Kunst Rottweil ou o Kunsthalle Lingen, ambas as dúas en 2008; e a Berlin Clondyke de Canadá, en 2011. Das versprochene Land Galerie Neue Meister, Albertinum, Dresden en 2011 e no 2012 con Landschaft mit abstraktem Gemälde no Albertinum, en Dresden.
Fonte: Galería Vilaseco Hauser
