NOTICIAS
HOXE TAMéN SE PRESENTA O TERCEIRO NúMERO DA REVISTA OFICIAL CANZINE16/05/2013
Logo dunha primeira quenda onde as entradas se esgotaron en menos dunha hora, hoxe abre a segunda das fases habilitadas para o Festival de Cans para vender as 400 entradas disponibles. O sistema dá conta do reclamo que ten este certame que se desenvolverá entre o 22 e o 25 de maio en Porriño (Cans) e que este ano celebra os seus dez anos de historia. Hoxe tamén saen a distribución, os 5.000 exemplares que ten o CanZine, a publicación oficial do certame coas colaboracións de Isabel Coixet, Juan Ibañez de El Hormiguero e Alejandro Marzoa. E como curiosidade, o certame estrea este ano moeda oficial: O Can, que será de curso “legal” entre os espazos oficiais do festival.
A REDE VOLCASE EN DESCUBRIR A ROBERTO VIDAL BOLAñO A PROPóSITO DO DíA DAS LETRAS
14/05/2013
Esta é a semana grande da cultura galega que ten o seu clímax este venres coa celebración do Día das Letras. A maior parte do material que figura na rede ten un alto carácter didáctico, motivado por centros de ensino e bibiotecas que queren achegar o seu gran de area para divulgar a figura do homenaxeado. Biografías, recursos didácticos, vídeos, entrevistas, imaxes… e o cronograma de culturagalega.org para dar a coñecer a figura de Roberto Vidal Bolaño (1950-2002).
O CONVENIO BUSCA COPRODUCIR E DESENVOLVER PROXECTOS DE XEITO CONXUNTO
13/05/2013
Un convenio entre a CRTVG e a RTP (Radio televisión portuguesa) facilitará o intercambio de producións audiovisuais entre ambas cadeas. O convenio fai referencia a programas de interese cultural ou histórico, musicais ou informativos, así como ten a intencionalidade de aumentar a participación respectiva en coproducións audiovisuais e desenvolver novos proxectos conxuntos e compartir experiencias de interese a ambas televisións. O convenio ten unha duración de dous anos e para a súa execución a TVG e a RTP designarán unha comisión mixta, integrada por tres representantes de cada parte. Non é a primeira vez que ambas cadeas públicas traballan conxuntamente, xa que hai en 2007 ambos medios coproduciron a gala televisiva de homenaxe ao Zeca Afonso que retransmitiu a TVG baixo o nome Sempre Abril.
O FILME DE ADIVINA PRODUCIóNS FIGURA NA SECCIóN OFICIAL A CONCURSO
08/05/2013
Son 8 as longametraxes que compoñen a selección oficial da sección oficial da primeira edición do Festival de Cine e Televisión Camino de Santiago. Entre elas destaca un filme de participación galega, Inevitable de Jorge Algora producido por Adivina Producións e protagonizado por Federico Luppi, Darío Grandinetti e Mabel Ribera. O certame, que terá lugar do 3 ao 6 de xuño conta con outros títulso como son A puerta fría, Ali, Área de Descanso, El muerto y ser feliz, Frontera, La lapidación de Saint Ettiene e Lección Debida. O premio á mellor cinta, dotado coa escultura estela e 10.000 euros, saberase no transcurso da gala de claurusra que se celebrará o venres 7 de xuño no Auditorio Novacaixagalicia no Preguntoiro.
O PREMIO ESTá DOTADO CON 5.000 EUROS
08/05/2013
“Premiamos un film cuxa narrativa que se desenvolve exclusivamente desde o poder das imaxes, revelando unha montaña profundamente cicatrizada polo ser humano. Cun traballo de cámara excepcional no borde de negro ebranco para expor o contrate da poderosa natureza e as actividades humanas, representada nun lucido ballet representado a modo de ballet.”. Deste xeito cualificou o xurado do Festival Internacional de Oberhousen o traballo “Montaña en sombra” de Lois Patiño ao que lle concedeu o premio do certame dotado con 5.000 euros. O de Oberhausen é un dos festivais de curtametraxes máis prestixioso do momento polo que teñen presentado os seus traballos cineastas como Martin Scorsese, Jean-Pierre Jeunet, François Ozon, George Lucas, Romas Polanski, Alexander Kluge ou Werner Herzog.
ANCORA PRODUCIóNS REMATA A SúA TRILOXíA SOBRE O PRESENTE CON SNAKIZADOS
08/05/2013
Máis dunha ducia de personaxes que batallan nun único corpo. Gustavo Pernas fai un exercicio de interpretación ao poñerse na pel do único actor dunha obra Snakizados que el mesmo escribiu e que lle valeu o premio Maruxa Villanueva. A última obra de Ancora Producións, en palabras de Gustavo, “é a fábula dun ser que nace despois da hecatombe e que se move nese dilema hamletiano de ser ou non ser”. A obra, continúa por xira en Galicia despois do seu paso en Santiago.
