|
|
 |
|
 |
|
COLUMNISTAS |
Puntadas do Xastriño Teño unha teoría...
Xastriño reflexiona sobre a definición de banda deseñada que fai o coñecido teórico Scott McCloud
|
2/
7/
2009 
David Rubín protagoniza o novo número da revista El Manglar
O décimo número da revista madrileña El Manglar, da editorial Dibbuks, conta cun protagonista galego. David Rubín é o responsable da capa desta entrega, e ocupa tamén as páxinas centrais cunha entrevista. Ademais, a revista publica a historia de doce páxinas que o ourensán realizara para a antoloxía PopGun, de Image Cómics.
Ampliar nova >> |
1/
7/
2009
Martín Romero gaña a bolsa Alhóndiga Bilbao de banda deseñada
Un ano de residencia en Angoulême, con acceso aos recursos da prestixiosa Maison des Auteurs e mais unha paga mensal para desenvolver un proxecto de banda deseñada. Estes son os apoios que acaba de conseguir o galego Martín Romero ao imporse entre os 40 participantes na bolsa Alhóndiga Bilbao. Romero fora galardonado co primeiro premio do certame GZ Crea de 2008 e colaborou con diferentes fanzines e publicacións nos últimos anos.
Ampliar nova >> |
|
26/
6/
2009
Enrique Vegas, André Juillard, José Fonollosa e Posy Simmonds súmanse a Viñetas
Continúa completándose aos poucos a lista de autores que se achegarán este verán a Viñetas desde o Atlántico. Entre as últimas incorporacións atopamos a Enrique V. Vegas, coñecido polas súas parodias de BDs ou a José Fonollosa, que está a se dar a coñecer pola serie El viaje de Darwin. Canda a eles, chegan as visitas internacionais de André Juillard autor de Diario Azul ou As 7 vidas do gavilán, e de Posy Simmonds, autor de Tamara Drewe e de Gemma Bovery. Estes autores súmanse aos xa anunciados Scott Mc Cloud, Vittorio Giardino, Emma Ríos e Alex Cal. A organización adianta tamén que o programa incluirá unha exposición dedicada a guionistas americanos comisariada con Jaume Vaquer e na que se poderán ver páxinas dos máis recoñecidos autores deste país.
Ampliar nova >> |
|
25/
6/
2009
Verán de BD no Verbum
O museo Verbum de Vigo presentou onte a súa programación de verán, unha completa proposta na que se inclúe música, audiovisuais e banda deseñada. Neste último apartado, unha comicteca con servizo de préstamo estará dispoñible para os usuarios ao longo de todo o verán. Ademais, entre o 15 de xullo e o 30 de agosto poderá verse a mostra Dez anos BD que recompila o traballo dunha trintena de creadores do noso país da última década.
Ampliar nova >> |
|
22/
6/
2009
O IES Perdouro entrega mañá os seus premios de BD
Miguelanxo Prado será o convidado de luxo para a entrega de premios do primeiro certame de banda deseñada que convocou o IES O Perdouro de Burela. Nesta convocatoria resultou gañador na categoría aberta Esteban Bernárdez pola obra O contrabandista. Na categoría escolar de ata 18 anos venceu Andrea Sinde González coa obra Morte por amor, mentres que na de alumnos de menos de 14 gañou Tania Díaz Vázquez con O resplandor do bosque. A entrega de premios farase mañá, 23 de xuño, ás 12 e media da mañá.
Ampliar nova >> |
|
22/
6/
2009
Emma Ríos continúa a súa carreira americana
A carreira da galega Emma Ríos na industria do cómic estadounidense continúa a todo ritmo. Desta volta segundo acaba de anunciar o web Comic Book Resources, será ela a responsable do debuxo na miniserie de catro números Strange que publicará proximamente Marvel. O proxecto, que se centra nun dos máis coñecidos personaxes do universo desta editora, contará con guión de Mark Waid, quen sinalou que "coa doidamente talentosa Emma Ríos no debuxo, podemos facer o personaxe máis encantador e sexy do que foi en anos".
Ampliar nova >> |
|
19/
6/
2009
El Patito editará nun volume o Hexed de Emma Ríos
O recompilatorio da serie Hexed, que Emma Ríos debuxou para a editora estadounidense Boom! Studios terá edición no noso país. El Patito Editorial anuncia o lanzamento para o vindeiro festival Viñetas desde o Atlántico das versións en galego e castelán deste volume. A editora tamén adianta no seu web a vindeira publicación do álbum Peter Petrake, de Miguel Calatayud, para o vindeiro mes de outubro. Polo momento atrásase a edición de As dúas viaxes de Xaquín Marín.
Ampliar nova >> |
|
17/
6/
2009
Alex Cal e Vitorio Giardino súmanse a Viñetas desde o Atlántico
Emma Ríos e Scott McCloud estarán acompañados na vindeira edición de Viñetas desde o Atlántico. A organización está a facer pública, aos poucos, a lista de convidados no blog http://vinetasatlantico.blogspot.com/. Entre as incorporacións máis recentes atopamos o galego Alex Cal, que achegará unha mostra retrospectiva con mostras do seu traballo para Estados Unidos en North Wind e Spiderman. O outro confirmado é o coñecido italiano Vittorio Giardino, autor da serie As aventuras de Max Fridman, entre outras obras. Nas vindeiras datas agárdanse novas incorporacións.
Ampliar nova >> |
|
|
|
Untitled Document
 |
CERTAMES |
 |
|
PUBLICACIÓNS |
|
|
Autores
Lola Lorente 