on
Novidades na
autores
titulos |
Untitled Document
AUTORES:
Marcos S. Calveiro
|
EDITORIAL:
Edicións Xerais de Galicia
|
|
Festina Lente
Primeira novela dirixida directamente ao público adulto de Marcos S. Calveiro. Novela histórica, ambientada na Compostela do século dezasete, propón ao lector unha intrigante viaxe polo mundo dos libros e o coñecemento nun tempo de intolerancia. Calveiro demostra nesta novela ser un hábil narrador que sabe combinar os acontecementos e datos históricos co desenvolvemento novelesco, administrando dunha maneira moi adecuada diferentes recursos narrativos. |
|
|
|
Untitled Document
|
|
A escritora, que cumpre 82 anos, cambia de rexistro para dedicarse á literatura infantil
María do Carme Kruckenberg pon fin á súa traxectoria poética con A levidade do silencio
20 -
8 -
2008
É unha das escritoras galegas máis prolíficas, María do Carme Kruckenberg ten ás súas costas 27 poemarios, numerosos contos infantís e traduccións literarias, así como varios premios. Pero aos seus 82 anos a escritora nada en Vigo acaba de anunciar que Os límites do arreguizo (que editará Espiral Maior a próxima temporada) e A levidade do silenzo pechan a súa etapa como poeta. Kruckenberg ten previsto centrar a súa mirada na narrativa, sobre todo na infantil e nunhas memorias. Poderase ler un adianto do seu último poemario na Revista das Letras que publicará mañá xoves Galicia Hoxe.
Amplía a nova
|
Foi o fundador da editorial Nós que publicou a Castelao, Risco ou Cunqueiro
A Fundación Castelao homenaxea a Ánxel Casal no lugar no que apareceu o seu corpo fusilado
19 -
8 -
2008
Foi membro das Irmandades da Fala e amosou un compromiso forte para a contrución nacional desde o ámbito cultural. Ánxel Casal (1895-1936) foi o editor por excelencia dos anos vinte e trinta porque publicou a todos os clásicos do momento, desde os homes da Xeración Nós (Otero, Risco, Castelao…), así como os intelectuais que formaban parte do Seminario do Estudos Galegos, máis a todos os poetas novos daquela (Carballo Calero, Manuel Antonio, Cunqueiro…). A Fundación Castelao e a Asociación de Recuperación da Memoria Histórica A Oliveira, lembran a súa figura ás 20:30 horas en Cacheiras (Teo), no lugar no que apareceu o seu corpo fusilado en 1936.
Amplía a nova
|
Editores optan por potenciar as celebracións con motivo do Día das Letras
Galicia busca o seu Sant Jordi
12 -
8 -
2008
Naceron noutro contexto social, económico pero tamén cultural. As feiras do libro son un tradicional escaparate da literatura e unha ventá a maiores para o negocio. É certo que venden pero libreiros e editores, os principais afectados, avogan por perfeccionar o modelo, ao tempo que buscan potenciar iniciativas arredor das letras con máis tirón de vendas e máis calado social.
Amplía a nova
|
A actividade intégrase dentro das actividades para conmemorar o 800 aniversario
As rúas da Coruña exhibirán frases de personaxes relacionados coa cidade
8 -
8 -
2008
“Para a utilidade do meu reino constrúo unha poboación no lugar que se chama Crunia, xunto á torre de Faro”. Este texto Alfonso IX está pegado no chan da praza de María Pita e é unha das 42 citas que fan parte do proxecto “Verbas na rúa”. Unha iniciativa que pretenden recoller as palabras de poetas, novelistas e historiadores que tiveron relación coa cidade da Coruña. Curros Enríquez, Ánxeles Penas, Xavier Seoane ou Luisa Villalta son algúns dos autores que forman parte deste proxecto.
Amplía a nova
|
|
|
|
