A canle de noticias culturais bd/ 2013-05-26T05:41:37+01:00 http://www.culturagalega.org imaxes/footer/titulo.gif text/html culturagalegaorg Redaccion noticia.php?soportal=bdg&id=22724 O debuxante pontevedrés Tirso Cons continúa a súa carreira na banda deseñada francesa. Segundo acaba de confirmar, asinou coa editorial Glènat para debuxar <i>Les Traqueurs</i>, unha serie na que contará con guión de David Muñoz sobre unha historia do propio Cons. O proxecto, aínda sen un número concreto de volumes, é unha historia de aventuras ambientada no século XVII e publicarase a finais de 2014 ou comezos de 2015. Ao tempo, Cons anuncia para 2015 un álbum que realizará sobre un guión de Sylvain Rungberg para editora gala Delcourt. text/html culturagalegaorg Redaccion noticia.php?soportal=bdg&id=22716 Demo Editorial, de novo en colaboración coa libraría Kómic, lanza o terceiro volume da serie <i>Castelao</i>, que percorre a biografía do galeguista. O guionista Inacio e mais o debuxante Iván Suárez abordan desta volta a a viaxe por europa que o protagonista realizou en 1921, repasando as súa visitas a museos ou encontros como os que mantivo co filósofo Bergson, o pintor Corredoira ou o músico Manuel Quiroga. O volume presentarase o vindeiro 15 de maio ás 18 horas na libraría Kómic, e entre os que merquen alí un exemplar ou o reserven previamente sortearase unha páxina orixinal de Iván Suárez. O volume conta con 64 páxinas en branco e negro e sae á venda a un prezo de 12 euros. text/html culturagalegaorg Redaccion noticia.php?soportal=bdg&id=22676 <i>Marcopola 2. Os Piratas da Lúa</i>, segundo volume das aventuras da Illa Remeira que creou o vigués Jacobo Fernández, chegará á tenda a mediados deste mes de maio. Edicións Xerais publica en galego esta obra mesmo antes de que saia en calquera outro idioma, aínda que o autor adianta que Bang! edicións a sacará nos vindeiros meses en castelán, catalán e francés. O volume de 56 páxinas sairá á venda a un prezo de doce euros, e, segundo adianta o autor "é un volume de aventuras, con piratas bos, piratas malos e un tesouro agochado". text/html culturagalegaorg Redaccion noticia.php?soportal=bdg&id=22667 Coa visita e un obradoiro de José Tomás remataban onte os V Encontros de Banda Deseñada da Mariña, que organiza o IES Perdouro. A coincidir co final do evento, entregáronse os premios do certame de creación que convocou este centro de ensino. Nicolás Martín Alessandro e Julián Rocha impuxéronse na categoría aberta coa obra <i>Azar</i>, quedando segunda Inés Vázquez Ramallal con <i>Por unha presa de grelos</i>. O web do evento permite ver os traballos premiados neste certame. text/html culturagalegaorg Redaccion noticia.php?soportal=bdg&id=22633 Unha historia de espionaxe, enfrontamentos ideolóxicos e antigos amores no marco da II Guerra Mundial. O vigués Fran Jaraba publica este mes de maio da man de Edicións de Ponent <i>División Azul</i>, um ambicioso proxecto que alcanza oitenta e oito páxinas a toda cor para o que leva anos a se documentar. O álbum chegará ás librarías o vindeiro 16 de maio a un prezo de vinte euros. text/html culturagalegaorg Redaccion noticia.php?soportal=bdg&id=22624 Un álbum de sesenta e catro páxinas a cor é a vindeira publicación que fará o galego Martín Romero en Suíza e que distribuirá en distintos países francófonos. Atrabile publicará o vindeiro mes de agosto <i>Les Épisodes Lunaires</i> unha serie de historias con montros, lobishomes, poltergeist e outras criaturas nocturnas como protagonistas. O lanzamento sairá á venda a un prezo de 15 euros. text/html culturagalegaorg Redaccion noticia.php?soportal=bdg&id=22606 Recomendacións de bandas deseñadas para adultos organizadas por xéneros, propostas para os máis novos por xéneros e idades e unha listaxe de obras galegas organizadas por autor. A libraría compostelá Kómic acaba de publicar no seu web as súas seleccións de BDs para diferentes lectores, achegando mesmo recensións dalgúns dos títulos propostos. Unha boa oportunidade para os interesados en se iniciar na novena arte. text/html culturagalegaorg Redaccion noticia.php?soportal=bdg&id=22571 Por terceira vez, Miguelanxo Prado volta dun Saló del Còmic de Barcelona co premio á mellor obra estatal baixo o brazo. <i>Ardalén</i>, o seu último traballo, fíxose co galardón á Mellor obra de autor español publicada en España en 2012, a categoría coa que nos últimos dous anos se recoñece o traballo dos creadores do Estado e que está dotada con 10.000 euros. O seu traballo impúxose aos outros nove finalistas, entre os que estaba o tamén galego David Rubín. Prado xa obtivera premios á mellor obra no Saló con <i>Trazo de xiz</i> e <i>A mansión dos Pampín</i>. <i>Ardalén</i> está dispoñible en galego da man de El Patito Editorial. text/html culturagalegaorg Redaccion noticia.php?soportal=bdg&id=22568 Tres antoloxías de banda deseñadas recén saídas do prelo da man de editoras españolas contan con autores galegos nas súas filas. Deste xeito, Norma Editorial inclúe a Emma Ríos, a José Domingo e a David Rubín entre os 48 debuxantes que achegan historias ao seu <i>Tales from the end of the word</i>. Estes dous últimos recuncan en <i>Panorama. La novela gráfica española de hoy</i>, mentres Ríos fai parte, canda a Miguel Porto e de novo José Domingo en <i>9 preguntas</i>, un volume colectivo que publica Dibbuks en maio e que parte dun caderno do século XIX descuberto nun anticuario. text/html culturagalegaorg Redaccion noticia.php?soportal=bdg&id=22548 Unha nutrida representación da banda deseñada galega visitará o Saló del Còmic de Barcelona que arrinca mañá. O evento contará, por suposto, con Miguelanxo Prado e David Rubín, que optan ao premio á Mellor obra de autor español publicada en España en 2012. Os dous autores participarán en diferentes sesións de sinaturas e actividades no evento, e Rubín ademais participará nas IX Jornadas Comiqueras SD/FNAC que se celebran en paralelo ao evento.