eran catro

jemmy button
e mais
york minster
boat memory
e a pequena
fuegia basket

con eses nomes
chamounos
o almirante inglés
que os levou
prisioneiros
ante a súa
graciosa maxestade

naceran no
impetuoso
vento patagónico

taiaro

e aprenderan a
valerse
o sustento nas
ondas xeadas

pero na viaxe do
cativerio
aprendéronlles inglés
e os civilizados costumes
británicos

mentres o
homenaxeado captor
navegaba outros
mares
eles viviron
e morreron levemente en
londres
co ollar detido
sempre no
horizonte

anos despois
voltaron tres de regreso
á terra
para facer de
intérpretes
ao almirante e o
célebre naturalista

un flemático
vírus exótico
fixo ficar na
néboa
os ósos do outro

a viaxe foi
acaso máis longa
que a da ida

e ao desembarcar
a area fría
o vento
inhóspito
faloulles coa voz
tépeda da casa
materna

unha noite
emprenderon
silencioso camiño
cara ao poboado da
infancia

polo camiño
como nun ritual
foron desprendéndose
das roupas da
civilización

e sentían na pel
o vento patagónico
abalalos con
dozura