algunhas portas
da memoria

un billete de autobús
amarelecido entre as páxinas
dun libro

unha tarxeta postal

un verso
suliñado

o nome dun
prato no menú

o seu sabor

un pequeno papel
cun número de teléfono

a tarxeta dun
hotel

unha rúa neboenta
nun soño

a nota dun
aparcadoiro
(a máquina preguntou
e contestaches que si
sen pensalo)

a imaxe dun parque
no documental dunha
cidade visitada

o recendo
que deita alguén
na rúa ao paso

fiestras
da memoria