Elvira Riveiro Tobío, ten cousas ben diferentes publicadas en varios sitios web como a Biblioteca Virtual Galega, Andar21, alkionehoxe, redesescarlata, contos ínfimos, etc., alén dalgúns textos en varias obras colectivas. Entre os seus méritos literarios e para-literarios está o de ter gañado a última edición do certame de poesía "Rosalía de Castro" da asociación homónima de Cornellà.

Os poemas visuais de Elvira Riveiro, unha orixinal proposta gráfica entre a poesía e a opinión segundo o tema, son como os pementos de Padrón xa que algúns pican e outros non. Desde xuño de 2004 ata febreiro de 2005 puideches seguilos a través da edición de Fin de Semana de Culturagalega.org.