RSS
Participa no noso concurso e gaña unha entrada para un concerto moi especial de Kathaarsys, o día 9 de outubro na Sala Capitol de Santiago. 
Penza
Pasamos ben eses dous días en Tolyatti, pero Rusia comezaba a facer fenda en nós. Coma as moribundas tropas napoleónicas deambulabamos polas inmensidades da estepa, agora dirixiámonos cara a Penza o lugar da próxima batalla. Pero as peculiaridades rusas facían que o duro da batalla se amosase no cotiá da vida en estrada. Repito, en Rusia non hai WC.
Isto poderá parecer algo banal pero cando un leva unha semana en Rusia tocando sen parar convértese en algo dramático. Os encargados das gasolineiras ou negocios da estrada sempre facían o mesmo xesto ao preguntarlle polo toilette, alongaban o brazo, sinalaban cara a fora e a uns cen metros (perímetro de seguridade anticheiro) víase un caseto que xa nin queriamos ver diante. A campaña rusa é dura aínda gañando cada batalla.