RSS
Roubo na mansión dos Vingadores
Continúa a controversia ao redor da produción do filme dos Vingadores após de que a semana pasada se soubera que a copia persoal do guión de Samuel L. Jackson (que interpreta a Nick Furia) fora roubada e se fixera pública, poñéndose mesmo á venda en varios sitios Web da Internet.
Por mor desta filtración, os produtores decidiron reescribir algunhas páxinas do guión, mesmo escenas que xa estaban rodadas. A mais salientábel delas é unha na que Bruce Banner convértese en Hulk mentres Iron Man e mais o Capitán América están atrapados no interior dunha caldeira xigante. A devandita escena foi eliminada.
Le máis deste artigo »
A adaptación que está a preparar Ron Howard da saga de novelas de Stephen King A Torre Escura está a desatar toda caste de rumores en Hollywood. E aínda que coma rumores en si mesmos non teñen especial interese, o que polo menos podemos extraer é que todos eles apuntan a que será unha superprodución que se tomará moi en serio a adaptación dos libros ao cinema.
O cineasta español Gonzalo López Gallego (El rei de la montaña, 2007) ven de se facer co posto de director para o thriller de ciencia-ficción Apollo 18 que producirá a empresa The Weinstein Company.