Nócomún, Airapro productora e branding cultural Muwom son proxectos empresariais que responden a fórmula de autoemprego. Unhas das características principais do emprego en cultura a día de hoxe no noso país. Por iso, é moi axeitado que a primeira das xornadas sobre Economía e Cultura se centre nesta modalidade empresarial. Obradoiro sobre o novo entorno profesional na cultura ou axudar a emprender conforman esta primeira sesión na que tamén se da a coñecer a experiencia de Miramemira. Con esta sesión ábrese na Cidade da Cultura, o encontro Economía e Cultura para promover alianzas entre o mundo da empresa e o creativo.

É a segunda edición dun certame que pretende dar a coñecer longametraxes, curtametraxes e videoclips galegos que non atopan unha disribución axeitada nos circuitos de distribución convencionais. Primavera do cine arrinca o vindeiro mércores 29 en Vigo mantendo a orientación da súa primeira edición e incorporando un novo espazo (a sala de proxeccións da Sala VigoVello) á súa programación e cunha sección nova dedicada ao audiovisual infantil. Proxección, concertos e un coloquio sobre a situación do audiovisual galego actual conforma a programación deste encontro.